“Me politikën e saj të drejtë dhe korrekte Republika Popullore e Shqipërisë ka synuar kurdoherë që me tre fqinjët që ka rreth e rrotull të rrojë në fqinjësi normale. Nëse ndonjërës prej tyre jo për fajin tonë nuk i pëlqyeka të ketë fqinjësi normale dhe korrekte, atëherë aq po na prish, socializmi çdo ditë e më mirë lulëzon në Shqipëri. Narkofashistët grekë kanë gati 25 vjet që deklarojnë se janë në gjendje lufte me Shqipërinë, për arsyen bindëse se Italia fashiste sulmoi me armë dhe pushtoi Shqipërinë më 1939-ën.
Sulmoi dhe Greqinë. Duhet një logjikë të fashistit grekë që të gargariset 25 vjet me radhë me këtë ide gjeniale dhe unikale. Por ne u themi fashistëve grekë, nuk e shikoni iu prishën të gjitha Republikës Popullore të Shqipërisë, se ju deklaroni se jeni në gjendje lufte. Por ne e kemi për detyre t’ju paralajmërojmë: uleni bishtin se në rast se do të jeni në aventura do t’ju ndëshkojmë rëndë. Nëse ju do të godisni kufijtë tona, ne do ju kthejmë në kërma.” - ka thënë Enver Hoxha.