në fjalë ishte denoncuar në maj 2012, se me anë të kërcënimeve ka kërkuar 500 mijë lekë nga qiramarrësi i një lokali në Shkodër që ishte edhe efektiv i Policisë Bashkiake të këtij qyteti. Ngjarja kishte ndodhur në lagjen “Tre Heronjtë”. Prokuroria ka deklaruar se me datë 27 maj 2012, personi me iniciale R.H. ka njoftuar në polici se i kishin kërkuar 500 mijë lekë të rinj gjobë, duke e kërcënuar nëpërmjet telefonit dhe mesazheve telefonike. “Kur ka ndodhur ngjarja, shtetasi R.H. ka qenë para lokalit, që ai i ka marrë me qira në lagjen ‘Tre heronjtë’ në rrugën e stacionit të trenit Shkodër, kur rreth orës 22:30, pranë lokalit ka shkuar i pandehuri Gjergj Pllumbi. Ai ka folur në emër të një personi tjetër dhe i ka kërkuar shtetasit R.H. të paguajë shumën prej 500 mijë lekësh të rinj, me pretendimin se një vit më parë qiramarrësi i lokalit kishte informuar në Polici, duke sjellë arrestimin e shokut të tij për drogë”. Shoku i të dënuarit mësohet se ishte arrestuar për mbajtje hashashi para lokalit të policit bashkiak të Shkodrës. Pikërisht për këtë arrestim, sipas Prokurorisë, i dënuari ka kërcënuar policin duke i kërkuar 500 mijë lekë që të pajtoheshin dhe të mbyllej kjo histori. Polici bashkiak ka refuzuar të paguajë, por më pas disa persona kanë shkuar te lokali i tij. Pasi u ka thënë se nuk paguante, polici bashkiak është përballur me telefonata dhe mesazhe kërcënuese në adresë të tij. Personat i kanë kërkuar të paguante, përndryshe do ta pësonte me sigurinë e tij. Pas këtij paralajmërimi, i dëmtuari lajmëroi Policinë dhe pasi bëri denoncim, u bë pjesë e planit për kapjen e autorëve të ngjarjes. Ai i lajmëroi ata që do t’i paguante paratë, por atë natë, rreth orës 23:45, në momentin kur po bëhej dorëzimi i parave, policia ndërhyri dhe arrestoi shtetasin Gjergj Pllumbi.