Shkodër, lirimi i banesave

Ashtu siç edhe kishin paralajmëruar, përfaqësues të 31 familjeve të cilat kanë marrë urdhër ekzekutimi për lirimin e banesave në zonën e ish-shkollës së Rezervave, kanë kërkuar shpjegim nga kreu i Bashkisë Shkodër, Lorenc Luka.
Rreth 20 persona kanë pritur për orë të gjata për të pasur një takim me kryebashkiakun, por ky i fundit nuk ka pranuar t’i presë në zyrë, derisa janë hasur me të kur Luka po linte zyrën.