Fishekët e armëve të zjarrit shiten në dyqane ushqimore dhe në treg. Askush nuk kontrollon dhe ndalon shitjen e municioneve të armëve të zjarrit të gjuetisë. “Fiks Fare” ka investiguar tregtimin e paligjshëm të municioneve të armëve të gjahut, të cilat janë po kaq të rrezikshme sa edhe armët luftarake. Investigimi ka nisur që nga Shkodra e deri në Tiranë. Shitës ambulantë, por edhe të dyqaneve ushqimore, tregtonin municionet në dyqanet e tyre pa u trembur nga rreziku që u kanoset, ndërsa policia nuk ndërhyn për ndalimin e kësaj tregtie. Edhe pse këta fishekë përdoren për gjueti, ata mund të marrin edhe jetë njerëzish. Fishekë që shiten lirshëm në dyqane ushqimore apo treg. Gazetarët e “Fiks Fare” gjetën në Velipojë, Trush, tregun e Milotit dhe atë të Fushë-Krujës.
