Video/Potpuri kengesh Shkodrane

Potpuri kengesh Shkodrane

Bujar Qamili, live në Pallatin e Kongreseve.

Këngëtari i njohur i muzikës popullore, Bujar Qamili, do të japë sonte një koncert recital live në Pallatin e Kongreseve.

Këngëtari rikthehet pas pesë vitesh me një koncert recital, në të cilin nuk do të mungojnë dhe shumë të ftuar si Zyliha Miloti, Gëzim Kruja, Besnik Çinari, Muhamet Çekini dhe parodistët e Vlorës. Gjithashtu nga këngëtarët do të jenë të ftuar grupi i këngëtarëve shkodranë të njohur për këngën e tyre, por listës së këngëtarëve i shtohet edhe Artiola Toska dhe Shkëlzen Jetishi (Xeni).

Koncerti vjen me titullin "Aroma e këngës popullore". Janë rreth 18 këngë që do të interpretohen në këtë koncert recital dhe një pjesë e madhe e këngëve do të jenë live. Nuk mungojnë dhe artistët e Ansamblit të Këngëve dhe Valleve Popullore. “Do të kemi dhe duete, dhe janë këngë të reja që nuk janë interpretuar më herët. Janë kompozime të reja vetëm për këtë recital, si me Artiolën, por dhe me Shkëlzenin”, është shprehur në një deklaratë për mediat Qamili.

Sipas organizatorëve të koncertit, ka pasur një interes të madh për biletat dhe janë shitur mbi 2030 copë.

News/Përmbytjet në Shkodër, Drejtoria e Bujqësisë bën inventarin e dëmeve

Drejtoria e Bujqësisë bën inventarin paraprak të dëmeve në bujqësi nga përmbytja e zonës së Nënshkodrës prej tri javësh. Sipërfaqja e përmbytur llogaritet të jetë rreth 4300 ha tokë bujqësore, ndërsa sipërfaqja e kultivuar arrin në 1900 ha. Përqindjen më të madhe të bimëve të mbjella dhe që janë dëmtuar nga përmbytja, e zënë bimët foragjere me rreth 1700 ha, me grurë janë dëmtuar 110 ha, sera 7 ha dhe bimë dekorative 41 ha. Ndërsa dëmet në gjënë e gjallë, nga të dhënat e deritanishme rezultojnë të jenë pothuaj të papërfillshme. Shifrat e mësipërme u bënë të ditura dje nga Gëzim Hardolli, drejtori i Bujqësisë në qarkun e Shkodrës. Aktualisht grupet e punës po monitorojnë situatën. “Me t’u krijuar një situatë e tillë, drejtoria e Bujqësisë ka ngritur grupet e punës për monitorimin e situatës së krijuar, si dhe u ngrit shërbimi veterinar për mbajtjen në mbikëqyrje të së gjithë zonës së përmbytur”, u shpreh Hardolli.