Facebook, rrjeti social mbush 9- vjeç

Facebook feston sot nëntë vjetorin e krijimit të tij. Rrjeti social u themelua më 4 shkurt të vitit 2004, nga Mark Zuckenberg në Universitetin e Harward-it.

Në fillimet e tij, rrjeti social Facebook u krijua për një përdorim të brendshëm të studentëve të Harward-it, të cilët nëpërmjet tij mund të komunikonin dhe të shkëmbenin informacione të ndryshme.

Më vonë, Facebook-ut, iu shtuan dhe studentë të tjerë jashtë universitetit dhe gradualisht përdoruesit e tij u rritën ndjeshëm. Në ditët e sotme Facebook është faqja online më e klikuar në botë.

Aktualisht Facebook përdoret nga mbi 1 miliard përdorues aktivë në të gjithë botën dhe paraqitet si një burim i pafund i të dhënave. Ai tashmë i vjen në ndihmë dhe botës mediatike, pasi përmes tij mund të përcillen më shpejt të gjitha ngjarjet si brenda dhe jashtë vendit.

Kohët e fundit Facebook është bërë një element i rëndësishëm i politikës, pasi liderë të njohur politikë në mbarë botën, shfrytëzojnë popullaritetin e këtij rrjeti social për të komunikuar me zgjedhësit e tyre.

Vaksina e re kundër tuberkulozit, e pasuksesshme

Një studim i shumëpritur i vaksinës së parë të re të tuberkulozit në gati një shekull tregon se ajo nuk ofron asnjë avantazh të rëndësishëm në krahasim me vaksinën ekzistuese në mbrojtjen e foshnjeve nga infeksionet e tuberkulozit. Rezultatet, bazuar në një studim të rreth 3.000 foshnjeve në Afrikën e Jugut, ishin zhgënjyese, por jo krejtësisht të papritura.

Shkodër, bora bllokon komunat e Dukagjinit

Bllokohen plotësisht komunat e zonës së Dukagjinit. Janë mbi 6 mijë banorë që nuk kanë asnjë mundësi komunikimi me pjesën tjetër të vendit. Prej javësh ato i luten zotit që situata të përmirësohet.

Nuk kanë rrugë të hapura, nuk kanë sinjal telefonik tokësor apo mobil, nuk kanë sinjal televiziv dhe për të mbërritur deri në Shkodër u duhet të paktën gjysmë dite rrugë në këmbë. Ato nuk ngurojën të pohojnë se gjendja e tyre cdo vit e më shumë vështirësohet, sepse askush nuk mban përgjegjësi direkte për mbijetësën e këtyre familjeve. Cështja më madhore është ushqimi.

Lajmi fundit/Bllokohen në Velipojë 1 ton drogë dhe gomonia

Policia Kufitare e Shkodrës ka zbuluar në brigjet e lumit Buna një sasi mbi 1 ton kanabis sativa, sasia më e madhe e zbuluar në qarkun e Shkodrës, e gatshme për t’u trafikuar. Lënda narkotike është zbuluar në orët e para të mëngjesit të djeshëm, pranë rezervatit të gjuetisë, në fshatin Pulaj të Velipojës. Efektivët e Policisë kanë gjetur pranë dhe një gomone 15 metra të gjatë, me 2 motorë me 600 kuaj fuqi, me të cilën trafikantët kishin menduar ta transportonin lëndën narkotike. Rreth orës 07:00 të mëngjesit të ditës së djeshme kanë qenë shërbimet e Policisë Kufitare ato që kanë identifikuar një mjet lundrues të fuqishëm, i cili është futur në derdhje të Bunës për t’u ndalur në breg të rezervatit në afërsi të fshatit Pulaj. Në kohën kur uniformat blu po i afroheshin vendit, kanë parë nga larg dy persona që ndodheshin brenda gomones, të cilët sapo kanë parë forcat policore, e kanë lënë gomonen në breg të Bunës dhe janë larguar menjëherë, duke shfrytëzuar edhe bimësinë e dendur të rezervatit. Nga kontrolli i zonës, rreth 20 metra larg gomones, u gjetën edhe pakot me drogë, të cilat do të ngarkoheshin në mjet. Sipas Policisë, dyshohet se lënda narkotike është futur në rezervat mesnatën e së mërkurës, nëpërmjet një automjeti të tonazhit të lartë, kamion tip “IFA”, nga ku më pas është shkarkuar në breg të Bunës. Sipas burimeve policore, duke u nisur nga fuqia e 2 motorëve të gomones, me 600 kuaj fuqi, mendohet që destinacioni i lëndës narkotike të ketë qenë Italia. Burime nga Policia e Shkodrës bëjnë me dije se nuk përjashtohet fakti që grupi i trafikantëve të ketë pasur bashkëpunim edhe me persona nga Mali i Zi.